Kjære jenter…

Kjære unge, stressa, utslitte jenter. Beklagar å måtte sei det, men nokon har bløffa dykk.

I artikkel etter artikkel les eg om dei utslitte jentene, som jaktar på det perfekte, og føler seg stadig meir mislukka. Heilt seriøst. No må de gje dykk. Ingen er perfekte, og det er heller ingen som forventar at de skal være det. Isåfall har nokon lurt dykk. Kraftig.

Eller, er det slik at de har laga desse forventningane sjølve?

Kven har skulda? Er det foreldra? Foreldra med dei dyre jakkene, fine bilane, gode jobbane, som postar bilete av vinglass foran peisen etter dagens tomils løpetur?

Er det bloggarane? Dei perfekte jentene som har alt dei ynskjer seg og litt til? 

De må vakne. Det er ikkje ekte. Ingen kan sjå perfekt ut kvar dag. Bak eit flott bloggbilete står det 100 refuserte. Kva med redigering? Akkurat som motebransjen alltid har gjort. Men seriøst. De er jo smarte, heile gjengen. Dette veit de jo?

Ingen kan shoppe vesker til titusenvis av kroner samtidig som ein får seg ei utdanning med toppkarakterar. Med mindre, såklart, ein har foreldre som sponsar, eller ein deltidsjobb som gir maksimalt med inntekt for minimalt med jobbing. Men kor mange er så heldige? Seriøst. De veit jo at dette også er tull.

Ingen kan studere, jobbe, shoppe, trene, være sosial OG sjå perfekt ut kvar dag. Det er heller ingen som krever at du skal det. Trur de verkeleg det?

Samtidig nektar eg å tru at det var så mykje betre før. Det har alltid vore viktig å vera pen, vera flink på skulen og god i idrett. I tillegg har det alltid vore viktig å ha dei “rette” klærne. Men vi gjekk då ikkje under på grunn av dette? Vi kjempa og prioriterte, og kom oss gjennom.

Eg ser at jussen er ein av dei studiestadane der presset er verst. Slik var det då vitterleg då eg gjekk der også. Men eg hadde ein nyfødt baby då eg byrja, så eg valde vekk veldig mange ting å bekymre meg for. Eg prioriterte dottera mi aller først, så det å faktisk fullføre ei utdanning. For meg var det ein seier. Så mykje meir var det heller ikkje rom for. Men det var mitt valg. Eg også såg dei pene jentene med dei dyre veskene, med dei kule skoa og avocado og cottage-cheese til lunch. Men eg valde å ignorere det.

Eg såg også jentene som besvimte av utmattelse under eksamen. Så kanskje er ikkje presset så mykje større i dag, men fleire når fram med sine stemmer, sine historier. Blogg og sosiale medier gjer at fleire når ut til ei mykje større gruppe enn før. Kanskje er det også blitt lettare å faktisk sei at ein sliter.

Men dette “presset” verkar som noko ein sjølv har skapt. Alle snakkar om det, alle fryktar det. Men kva er det eigentleg? Heilt konkret? Og kvar kjem det frå? Ingen forventar jo at de skal vera perfekte. Det er jo heilt latterleg.

Til mi kjære dotter, og alle andre som veks opp i denne tydlegvis alt for krevjande tida: Ta livet tilbake. Ta kvardagen tilbake. Gode karakterar er viktig, men ikkje for ein kvar pris. Gode trenings- og kostholdsvaner er viktig, men ikkje overdriv! Dyre klær og vesker er ikkje og vil aldri bli viktig, punktum.

I tillegg består livet av så utruleg mykje meir. Dersom du i dag ikkje taklar å få ein B på eksamen, korleis skal du då takle dei verklege utfordringane i livet?

Dei kjem til å komme. Om du vil det eller ikkje. Dødsfall, ulykker, samlivsbrot, sjukdom og anna som vil kunne slå deg så hardt i bakken at du lurer på om du nokon sinne kjem til å klare å reise deg igjen.

Den dagen vil B-en, kampen for den perfekte kroppen, den dyre veska, ja eigentleg det meste, framstå som heilt ubetydeleg og fullstendig uviktig å kaste vekk tida på.

-Janne-

Eit forsøk på å oppsummere…

Herlighet, den siste tida har verkeleg berre  FLYDD avgarde. Det går i eitt. Difor får eg berre slå saman det meste her, og komme med eit lite oppsummeringsinnlegg.  

 Eg har trent styrke på jobb. ❤ Trening i arbeidstiden. 

 Eg har ete mange sjukt gode lunchar på jobb. ❤ Wilberg 

  Eg har lagd ei veldig god kyllingsuppe 
 Eg har vore på ein nydeleg fjelltur 

 
I tillegg har eg vore på årets første Nissemann. Det var veldig kjekt. Nissemann er Bergen Triathlon Club sin årvisse treningsform om vinteren. Vi møtes laurdag 08:30, så er det 2000m svømming inne på Studentsenteret, litt over to timar spinning, og så er det ut for å løpe ein liten tur på 11-12km. 🙂

Veldig kjekt opplegg! Eg var med på alt, men tok det litt roleg, og korta ned på løpeturen. Eg har ikkje følt meg heilt 100% den siste tida.

Mandag var det igjen klart for Vinterkarusellen. Eg kjente eg var veldig tung frå første steg, så eg skjønte fort at det ikkje ville bli nokon pers. 50:39. Blæh. Men med den treningsmengden eg har hatt dei siste vekene, kan eg ikkje klage. No er det tid for ei roleg veke.

Eg prøver å periodisere treningsvekene mine. Dette har eg lært av bloggen til Allan Hovda og hans nybyrjartips. Etter hans oppskrift køyrer eg fire vekers-syklusar der eg gradvis aukar belastninga i veke 1-2 og 3, før eg har ei rolig veke 4 med restitusjonstrening. Dette skal forhåpentlegvis gi eit større treningsutbytte.

Anbefaler bloggen til Allan Hovda for alle. Han er veldig flink og veldig pedagogisk: triallan.com

Eg har også byrja å bruke pulsklokka mi mykje meir aktivt, for å unngå å gå på ein “smell” slik som i sommar/haust.  

 Eg har ein Suunto Ambit 2 S eg er godt nøgd med. Eg kan nok ikkje alle funksjoner enda, men eg tykkjer den finn både puls og gps raskt og er veldig brukervennlig. Likar veldig godt appen!

Tykkjer Suunto Movie er kjempegøy

 Det krever jo litt meir tid å bruke slikt utstyr skikkeleg, overføre data, samanlikne, studere osv. Men samtidig kan det nok vera lurt for mange. Eg likar ikkje så godt å løpe med pulsbelte, men byrjar å venne meg til det etterkvart. I konkurransar droppar eg det, for det blir for mykje stress. Men eg brukar klokka for å måle fart og distanse.
Veldig klar for ei roleg veke no. Kanskje får eg til og med litt tid til overs slik at eg får ordna litt til jul…

Squashgetti

Tenkte eg skulle dele ei oppskrift, sidan det er ei stund sidan sist. Denne oppskrifta fann eg på nettet for veldig lenge sidan, og eg lurer på om det var hos http://dedication.blogg.no  

 Veldig godt, veldig enkelt og veldig sunt. Denne gongen hadde eg pasta i tillegg, men ynskjer du å kutte på karbohydratane, er det berre å bruke squashen som pasta. Eg seier som Ole Brumm: Ja takk, begge deler.

  
Steik karbonadedeig og løk, tilsett raspa gulrøter og hakka tomater. Når det har putra ei lita stund, tilsett ein god dash ketchup og det krydderet du vil ha. La det koke i 5-10 min. Kok opp pasta om du vil ha det.

Squashen strimlar du på langs med ostehøvelen, eller hvis du feks har eit Julienne-jern kan du bruke det også. Strø over litt salt og pepper og la den ligge på papir og tørke litt, før du slenger den kjapt oppi kokande vann i eit par minutt.

Dryss over nyriven parmesan og pinjekjerner rett før servering. Digg. 🙂
PS! Hugs å handle inn alt du treng på førehand. Det gløymde eg, så eg måtte handle midt i joggeturen…Greit med store lommer på jakka. Får plass til mykje digg nedi der. 😉 

 

Restitusjon

Eg innser at det var for dystert her inne med all denne klaginga. 🙂 Tenkte difor eg skulle spe på med eit litt positivt innlegg.

Dei siste dagane har vore heilt fantastiske. Eg har berre slappa av og kost meg. Ok, ein liiiten tur på Stoltzen, men ellers har eg teke det med ro.  

Utsikt på toppen av Stoltzen. Elska og hata…

 
I tillegg har eg prøvd å ete godt. I går måtte rett og slett siste rest av sommaren nytast til det fulle. Vi satt ute til absolutt siste solstråle forsvann frå terassen.  

    

  

Gløymde å ta bilete før eg glefsa den i meg…

 
  Det har vore utruleg deilig å berre ta det heilt med ro. Og ikkje minst å vite at eg kan slappe av heile veka. Jaja. Skulle nok sprunge litt meir for å førebu kroppen på halvmarathon i Skottland, men samtidig tenker eg at det ikkje er krise. Eg kjem ikkje til å perse uansett, og denne gongen står jo turen i fokus, ikkje prestasjonane. I tillegg blir det herlig å berre skulle gjere EIN ting, ikkje tre! 🙂

Sunn og enkel middag!

2015/01/img_7614.jpg

Eg er veldig glad i middag som er sunn og rask å lage. Ein av mine favorittar, er Chili Con Carne. Her har du ei grei oppskrift til ca. 4 personar:

  
Finhakk kvitløk og chili, og kutt paprikaen og løken i passe store bitar.

 
Steik kjøtdeigen, og ha i løk, kvitløk og chili.  

 Hell så over boksen med hermetiske tomatar og la det surre i ca. 5 min.  Ha så i chilibønner, paprika og krydder. Smak til med salt.  

 Kan serverast både med ris, salat, brød evt. litt nachos og rømme. Digg.

Det som er fint med denne retten, er at den er veldig grei å fryse ned. Eg brukar å lage ei stor gryte, og så fryser eg ned små porsjonar som det er lett å varme opp igjen. 

Ostegratinert blomkål med bacon

Eg har jo trass alt lova at denne bloggen også skal handle litt om mat, så i dag kjem det endeleg ei middagsoppskrift. Denne er heller ikkje mi, men kjem frå skulekjøkenet på Leikanger Ungdomsskule.

Oppskrift:

1 Blomkålhovud

200 g Bacon

Ostesaus:

1ss Smør

2ss Kveitemjøl

3dl Mjølk

50g Kvitost

og 50g Kvitost til å strø over til slutt

Slik gjer du:

Del opp blomkålhovudet, og kok det til det er mørt. Skjær baconet i små bitar og steik. Ostesaus: 1. Fres smøret, ha i mjølet og rør saman. 2. Spe med litt av melka om gongen. 3. Rasp osten og rør inn.

Saus

Ostesaus in the making

Ostesaus in the making

Legg dei ferdigkokte blomkålbitane i ei eldfast form, og hell ostesausen over.

BlomkålStrø til slutt over bacon og raspa ost. Steik i omnen på 225 grader til osten er gyllen.

Ferdig

Sever gjerne med brød og salat.

Håpar det smakar, gi gjerne ein lyd når de har testa det ut! 🙂

CC-Lappar

Nam...

Nam…

Eg har jo lovd at bloggen skal handle litt om mat også. Dersom du er ute etter lavkarbosukrinmelislettprodukt-tull, har du kome til feil blogg. Eg brukar ikkje kunstige søtningsmiddel eller lettprodukt. Men eg prøver likevel å ha eit nokon lunde fornuftig og variert kosthold. Ein favoritt til helgefrukosten er CC-Lappar, eller Cottage Cheese-lappar. Dei er enkle, proteinrike, luftige og veeeldig gode. Dette er ikkje mi oppskrift, eg fann den på ein blogg for mange år sidan, som no ikkje eksisterar lenger. Skulle gjerne kreditert rett opphavskvinne, men eg hugsar rett og slett ikkje kven det var. (Gi gjerne ein lyd i kommentarfeltet om du kjenner den att.)

Oppskrift: OppskriftaOppskrift

Framgangsmåte: Mål opp havregryna (bruk store, dei er best), bakepulver og Cottage Cheese. Ha i eitt egg og ein eggekvite (jada, du kan bruke begge egga, det går heilt fint), tilsett vann og mos det med stavmikser til det blir ei fin, jamn røre. Tilsett krydder etter ønske. La røra stå og svelle nokre minutt i kjøleskapet. (NB, om den blir ståande ei stund, er det lurt å røre litt i den, i og med at dei små bitane frå havregryna vil synke til bunnen.) Så er det berre å steike små lappar på middels varme i ei steikepanne. Alternativt kan du bruke vaffeljern og lage vaflar. Berre hugs å bruke godt med smør/olje (jada, her brukar vi meierismør. Margarin er bannlyst i heimen.) Så er det på med syltetøy og gjerne rømme. Nam! Oppskrifta ovanfor er berekna på ein person, så doble gjerne oppskrifta. Då rekk det til 2-3 personar, litt avhengig av magemål. (PS: Når eg doblar oppskrifta, brukar eg likevel berre ei teskjei bakepulver, og så brukar eg gjerne 3 egg og ein eggekvite.)

Lettvint mellommåltid

Eg er stor fan av det lettvinte. Eg har det stort sett alltid travelt, så litt for ofte blir det mat “på farten”. Då gjeld det å ty til enkle, men sunne løysingar. No om sommaren er eg hekta på nektariner. Heilt nydeleg saman med kesam. Særleg den nye kesamen med lime. Nam.

 

Kesam

Lettvint og godt i sommarvarmen