Kompresjonsstrømper

  
Meiningane om diverse kompresjonstøy er mange og delte. Det skortar vel på eintydige vitskaplege bevis for at det faktisk fungerer. 

Sjølv tykkjer eg kompresjonsstrømper er ufatteleg deilig å ha på. Eg svergar til CEP sine, og vekslar mellom strømpene, og såkalla calfs eller “leggar”.

Reklamen lovar mellom anna auka blodgjennomstrømming, mindre stivhet og raskare restitusjon.

Når det gjelder kompresjonstights har eg aldri følt denne effekten, men eg meinar bestemt eg har god effekt av strømpene. No skal det seiast at eg slit litt med åreknutar osv, så det kan jo vera ein av grunnane til at eg kjenner meir effekt enn andre.

  Fordelen med calf-varianten, er at du kan bruke dine eigne løpesokkar. Hygienisk kan det kanskje også vera ein fordel, ellers må du vaske dei etter kvar gong, og då sliter du dei nok fortare ut.

Eg brukar omtrent alltid kompresjonsstrømper/leggar når eg trenar, konkurrerer osv. I tillegg brukar eg dei når eg flyr langt, og dersom eg er veeeldig sliten i beina, søv eg også med dei. (Men det er no heller sjeldan.)

Eg føler rett og slett at eg får “friskare” bein av å bruke dei. Eg føler meg ikkje så tung og sliten i beina etter ei økt, samme når eg er ute og flyr. Då kan eg bli plaga med hovne og trøtte bein, men ikkje når eg har kompresjon på.

Så det var dagens lille tips frå meg, med alle atterhald. Men det går jo an å forsøke, så ser du om det funkar for deg. 🙂

Advertisements

Litt lei av trening..?

Akkurat no er eg nok litt treningslei. Eller i alle fall konkurranselei. Alle dei store måla er overstått, og eg kjenner at kroppen er sliten. I utgangspunktet skal eg vera med på Os Triathlon 6. september, men eg kjenner at lysta til å hive seg i våtdrakten er ganske så fråverande akkurat no. Samtidig er det jo eit veldig kjekt arrangement. Og eg har jo lyst å få det med meg. Helst også forbetre tida mi frå 2013 nokre hakk.  

Utesvømming fristar lite for tida…


I tillegg må eg byrje å springe meir. Scottish half marathon i Edinburgh nærmar seg med stormskritt. Det skulle jo bli ny pers, men løpeformen er dårleg for tida.

Og så burde eg gått meir i Stoltzen…Det tradisjonsrike løpet er jo også snart, 25. Og 26. september.

Så akkurat no er eg litt sånn: “Burde-burde”.

I dag skulle eg eigentleg vore med på gjennomgangen av Os Triathlon-løypa. Men eg hadde rett og slett verken ork eller lyst. Viktig å lytte til kroppen av og til, tenker eg. 

Men kva gjer eg då istadenfor? Jo. Eg går på BergenFitness. Finaste plassen med dei finaste folka.

   
 

I tillegg ser eg på bileter frå sommaren, for å minne meg på kor kjekt eg har hatt det, og alt eg har oppnådd. 

Låner dette biletet frå Finisherpix…

 
Satsar på at både hovud og kropp kjem på betre tankar etterkvart. Eg har kvilt meg godt den siste tida, men manglar framleis overskotet. 

Problemet er også at eg er grunnleggjande lat. Så det kan jo vera eg spelar meg sjølv eit puss. Det beste i verda er jo å ligge på sofaen med smågodt og sjå på seriar frå Netflix. 🙂

Jaja. Gledar meg til å vakne stiv og støl i morgon etter dagens sirkeltrening. Det var herleg å få svetta skikkeleg. Og å få gjort noko anna enn svømming, sykling og springing.

Open water-svømming

  I 2013 framstod symjing utandørs som absurd og alt for kaldt for meg. Men så fekk eg meg ein våtdrakt, og vips så var eg i gang.
Jaja, no har eg støtt på nokre hinder innimellom, men med tålmod, kurs, byte av våtdrakt og litt fram og tilbake, så må eg no seie at eg elskar å symje ute. Denne veka har eg lagt bak meg over 4500meter ute, og det føles berre så utruleg bra. Kven skulle trudd?

Den største aha-opplevinga kom nok då eg fekk meg ny våtdrakt. Eg hadde ei grei drakt frå Zone3, men då eg byrja i 2013 vog eg ca. 8kg meir enn då eg stod på startstreken til Os triathlon i 2014. Drakta var rett og slett blitt for stor! Og det er verkeleg ikkje bra. Eg har lese ein plass at det mest utfordrande med å finne våtdrakt, er å tørre å kjøpe ei som er LITEN nok.  

Nervøs før start i for stor våtdrakt

 

Så det var verkeleg revolusjonerande å få på seg drakta eg no brukar frå Blueseventy: 

 Etter størrelsestabellen er den litt knapp for meg, men i følge symjetrenaren sit den veldig bra. Den er mildt sagt eit h… å få på seg, men når den er på, sit den som eit skudd. Og eg merkar ingenting til den under svømminga. Eg har blitt VELDIG glad i den!

Til tross for eit crawlekurs og mange timar i basseng, har eg enno ikkje blitt nokon flink symjar. Men eg håpar og trur at det kjem seg. Det er uansett deilig å svømme ute, for drakten gir deg så mykje oppdrift at det ikkje spelar så stor rolle om du er ein dårleg symjar. Så til alle som føler dei er håplause til å crawle inne i basseng: Få deg ein våtdrakt og prøv deg ute. Du er sannsynlegvis ikkje så dårleg som du trur!

Eg har også blitt kvitt “panikken” min i vannet *bankibordet*, mykje takka vere svømmetrenar Knut i BTC. Eg måtte rett og slett byrje å puste betre ut under vann. Eg har både pusta ut og inn over vann, og då får eg for lite luft ut, og pustinga vert heilt overfladisk, slik at eg har begynt å hyperventilere. Så no tek eg innimellom nokre ekstra tak før eg pustar, slik at eg er sikker på at eg får ut nok luft, og kan fylle godt på med ny.

Eg har også sett ein del instruksjonsvideoar på nettet, og prøver å bli flinkare med armtak osv. Men her har eg nok litt å gå på. Eg er berre så utruleg nøgd med å ha overvunne panikken, og endeleg føler meg som fisken i vannet (jaja, nesten i alle fall…)

Det er i alle fall godt å vite at eg har distansen inne. No er det berre om å gjere å få opp tempoet. Eg sym framleis aaaalt for seint. Håpar eg klarar å få opp tempoet litt før Axtri, slik at eg får dei ekstra minutta til syklinga. (Alle monner drar!)

 

Vannet ved Krohnegården i solskin.

 
Ei anna utfordring, er temperaturen. Det har jo ikkje vore den varmaste sommaren, så vannet er ganske så kaldt for tida. Eg tykkjer det er heilt greit no, men eg er bekymra for Axtri. Noko seier meg at det kjem til å bli KALDT i fjorden i år. Rekordstore snømengder i fjellet, og manglande sommarvarme gjer jo sitt til å halde temperaturen nede…

Eg tykkjer ikkje det er så ille når eg først kjem i gang, men merkar det fort når eg stoppar opp, og når eg kjem på land. Neoprensokkar hjelper. Eg har eit par frå Huub som har funka veldig godt, men no får eg gnagsår av dei, så eg må ha meg eit par nye. Hanskar brukte eg før, men har slutta det sidan det ikkje er lov i konkurranse. (Greit å førebu seg mest mogleg reelt…) Eg brukar også alltid to badehetter, samt øyreproppar. Det hjelper. Eg må nok også bruke neoprenhette på Axtri, men det må eg øve meg meir på. Den har stropp under halsen, og det gir meg kjensla av å bli kvalt…Håpar dette også har betra seg no når panikken er vekke.

Så tips til deg som vil symje ute: Få deg ein god våtdrakt som PASSAR. Sjekk bruktmarkedet! Mange illusjonar som har gått i dass, så mykje nesten ubrukt til sals.

Ellers treng du omtrent berre det som du ellers brukar til symjing: Badehette, symjebriller (ikkje nødvendig med utandørsbriller, men kan vera greit. Litt smak og behag.), øyreproppar om du treng det (kan være lurt i kaldt vann), neoprenhette, neoprensokkar, og eventuelt neoprenhanskar er også valfritt, men kan være greit på kalde dagar. (NB: Sokkar er lov i konkurranse, men det er ikkje hanskar.) 

Det er også kjekt å ha ei gps- klokke som målar distanse, men har du ikkje dette, kan du måle opp distansen på google maps i ettertid. Då veit du i alle fall sånn ca. kor langt du har svømt. Eller hiv deg på ein midtlivskrise-mann som har gått i gadget-fella. Han loggar sannsynlegvis både tid, fart og distanse.

Det viktigaste av alt, er at du aldri må symje åleine. Få med deg ein venn eller tre, eller meld deg inn i ein klubb. BTC har masse uorganisert utandørssymjing no om sommaren.

Lukke til!

Axtri (AurlandExtremeTriathlon)

  Restitusjon og kvile er viktig. Men så er det berre det at det er 30 dagar att til Axtri…
Som de kanskje kan sjå: 1900 meter symjing i iskald Sognefjord, ca. 98km rett opp og rett ned, rett opp og rett ned (over Aurlandsfjellet til Lærdal og tilbake) og så ca. 21km springing/gange opp Aurlandsdalen og målgang på Østerbø. Det vil sei, om du faktisk klarar cut off-tiden på sykkel og får lov til å springe opp. Eg har fått mine tvil…

Eg er så utruleg treig på sykkel. All den tiden eg i fjor/år skulle bruke på sykkel, vart brukt til mykje anna rart. Så eg er omtrent like dårleg å sykle som før. Samtidig er eg nok flinkare i bakkar enn på flatmark. (Fordelen med å ha vokse opp litt oppi høgda. Ikkje mykje flate strekningar…)

  Ein “kosetur” opp på Aurlandsfjellet førre veke, avslørte det eg frykta. Kilometertiden min er for lav til å klare cut off-tiden! Så her må det jobbast…Men det er jo særs begrensa kva ein får gjort på 30 dagar. I tillegg må eg jo kvile innimellom også…
Menmen. Eg skal prøve. Og eg skal gjere mitt beste. Det hadde vore fantastisk å få krysse mållinja på Østerbø, men per i dag er eg faktisk usikker på om det kjem til å gå.

I tillegg konstaterer eg at kneet mitt ikkje likar sykling. Det går fint å springe, men sykkel er utelukka. Prøvde å snike meg til nokre bakkeintervallar i dag, men måtte gi meg etter ein halvtime. Då ville ikkje kneet meir. Men løpeturen etterpå gjekk greit.

  Jaja. Om eg ikkje kjem meg opp Aurlandsdalen i august, har eg i alle fall vore der ein gong i år. Og satsar på eit par turar til før sjølve løpet. 🙂

Ikkje heilt som planlagt…

Det er vel sjeldan livet går som planlagt. Men av og til blir det nesten litt for mykje av det gode…

Feber og tannverk har slått meg heilt ut. Eg fekk betennelse i tannkjøttet pga. visdomsjekselen min, og har knaska Penicillin og Paralgin Forte. Eg har våkna om natta på grunn av smertene. Aldri hadde eg trudd at ein slik liten filleting skulle slå meg sånn ut.

Men driten er ute, og det byrjar å bli betre. Kjennes ut som kjeven er forstua (det krevde litt brutalitet frå tannlegen å få tanna ut.) 

Eg har gått litt turar, men må stoppe undervegs, fordi høg puls får det til å dunke og verke som besatt.

Eg måtte droppe Ulriken Opp, og no blir det neppe heller Bergen-Voss på meg.

Men eg skal ikkje klage. Det kunne vore verre. Eg har hatt nokre fine dagar innimellom. 

 I dag er det første løp i Sommerkarusellen. Eg tel på knappane. Vil veldig gjerne vera med. Fornuften seier nei, men samtidig må eg snart komme i gang igjen.

Var på svømming i går, og det gjekk rimeleg greitt, sjølv om eg måtte ta det med ro. Er snart klar for å byrje utesvømmingssesongen. Det blir kaldt! 

Ironman Haugesund nærmar seg med stormskritt. Eg kjenner panikken byrjar å bre seg. Samtidig veit eg at eg har eit godt grunnlag. No må eg berre gjere ting riktig framover.

Bergen City Marathon

  Trur sjeldan eg har vore SÅ avslappa før eit halvmarathon. Antakelegvis fordi eg visste innerst inne at eg ikkje var heilt klar for dette. 

Eg har jo konsentrert meg om å perse på 10km dei siste månadane, så eg har faktisk ikkje hatt meir enn 2 (!) turar over 10-12km i år.

Menmen. Her var det berre å snøre på seg joggeskoa og få jobben gjort.

Dagen før: Slappa godt av. Åt pasta, tok ein pitteliten øl og eit glas raudvin (dette er ingen tradisjon, og sikkert ikkje veldig smart, men eg var på Humorfest). Avslutta kvelden på sofaen med smågodt.

Morgonen før løpet: Eg skulle jo stå opp i gooood tid, ete ein gooood frukost og slappe av før eg reiste innover. Jah. Nei. Altså. Eg forsov meg (what else is new), måtte SPURTE til bussen, som stod der, men valgte å køyre likevel! Jaja. 30 min seinare enn planlagt var eg ved Vikinghallen for å levere tøy. Og FOR ein kø! Djiz! 

 Tilslutt måtte alle berre kaste frå seg posane og springe. Vi vart lova at det var MASSE doar nede på Bryggen. Det var vel å overdrive. 8 (?) toalett på fleire tusen deltakarar?!? Det endte opp med at eg tissa foran eit bygg, med utsikt til Vågen og der kom det jammen ein hurtigbåt køyrande saaaakte forbi medan eg sat og tissa. I tillegg fekk mannskapet på Statsraad Lehmkuhl seg ein GOD latter. Jaja. Må man, så må man!

Ferdig tissa og klar, stilte eg meg opp i pulja mi (litt ambisiøs då eg meldte meg på i fjor 1:45-1:50). Startskotet gjekk, og eg prøvde å ikkje byrje for hardt. Eg visste kor tungt det ville bli oppover, så her var det berre å halde igjen. Sprang roleg og hadde god flyt. Forbi Stoltzen kjente eg at eg kvidde meg litt for bakkane oppover, men så passerte eg ein treningskompis som ynskte meg lykke til, og SÅ høyrde eg plutseleg kubjeller! Kunne det være…? Jo, det var! Midt i den tyngste bakken stod mange smilande heiande Melkesyre-folk! Åh, det var så herleg! Så utruleg kjekt å verkeleg bli heia på! Det gav ein skikkeleg boost! 🙂

Bortover Fjellveien føltes beina fine. Eg såg på tiden at det gjekk litt seint, men samtidig var eg akkurat ferdig med den tøffaste delen av løypa. Plutseleg var eg komt til 10 km. Såg på klokka og trur den viste 55min. Oi, saaaakte! Jaja. Men alt føltes så bra. Tok første gel før drikkestasjonen, og følte meg framleis veldig pigg. Km-skilta kom brått så fort etterkvarandre! (Litt av forklaringa er jo at løyper går nedover akkurat der.) 

Eg hadde grua meg veldig til å komme ned til Store Lungegårdsvann, for der fekk eg det tungt i fjor! Men plutseleg var det nokon som ropte “Heia Janne!”. Der stod det jammen ein fin fyr i bunad og heia på meg. Så denne gongen smilte eg rundt heile vannet. Stor skilnad frå i fjor! 

Resten av løypa er ganske kjedeleg, og eg var eigentleg mest opptatt av å finne ut når eg skulle ta neste gel. “Eg føler meg jo så bra no, eg treng sikkert ikkje den!” “Jo, Janne. Det gjer du. Hugs korleis det gjekk i Jølster. Då gjekk du på ein smell NETTOPP fordi du tenkte slik som dette!” Så tok eg den siste gel-en. Men det kom jo aldri drikkestasjon! Så det var litt nedtur. Føltes som ein evighet før eg endeleg fekk skylt han ned.

Sprang med lette bein forbi staden der eg gjekk på ein alvorleg smell i fjor. Då gjekk eg, og ville eigentleg berre gi meg. Men så kom det ei venninne i BTC-som oppmuntra meg til å komme meg avgarde. Det var gull! I år var det min tur å oppmuntre dei som byrja å gå på samme plass. Det føltes godt! 🙂

  I år var eg også mykje meir ved bevissthet då eg sprang over Fisketorget, fekk eit heiarop til, og så var det berre å komme seg i mål. Eg prøvde å sette opp farten, men det var ikkje så veldig mykje guffe igjen. Men følte meg veldig bra då eg gjekk i mål. 1:54:07. Ikkje supert, men eg kan jo ikkje klage. Eg har ikkje trent nok på distansen. Tiden i fjor var 1:52:44, men opplevingane var som natt og dag. Tommelopp for BCM som arrangement og tusen takk til alle supporterane i Melkesyre. De er gull!
Påfyll etterpå er viktig. Burger var heilt rett valg etter 21km. 🙂

  

Påska er over!

Påska var som vanleg fantastisk, og alt for kort…

Det vart mest ski og lite anna trening. Ein kort joggetur var alt eg fekk tid til. Men så var det til gjengjeld MYKJE ski. Mest i bakken, for at mini skulle få prøve seg på slalom, men også ein fantastisk topptur til Kjeringi 1314moh.

Nydeleg 360graders utsikt frå toppen.

Las ein artikkel om at fleire og fleire vil gå på topptur. Det er kjempebra! Samtidig er det viktig at folk lærer seg det grunnleggjande før ein går i fjellet. Eit skredkurs/toppturkurs er absolutt å anbefale. Ellers er det berre å kome seg ut og nyte den fantastiske naturen vår!

Etter eg kom heim, har eg trent mest spinning og styrke. Ein kort løpetur er alt det har blitt.

Så har eg vore ein tur i Stoltzen:

Der går det seinare enn nokon sinne…Det har blitt så ille at eg faktisk gruar meg til årets høgdepunkt, Stoltzekleiven Opp. Jaja.

Gledar meg veeeeldig til mandag. Då SKAL eg sette ny pers på 10km. 🙂 Heilt ukjent løype, men den skal vera relativt flat: Kaland Løpskarusell Berre å melde seg på!

I dag er det Marathonkarusellen for mange, eg droppa den, sidan det ikkje er så lenge til Bergen City Marathon. Håpar det var eit lurt valg.

Ynskjer alle ei god og aktiv helg! 🙂

Aktiv påske



Endeleg påske og endeleg ferie! 🙂 

No har eg ikkje komt meg på fjellet riktig enda. Men snart…

Påsken skal nyttast til å slappe av, vera med familie og vener, og sjølvsagt ete litt påskesnop.

Samtidig prøver eg også så godt som råd å planlegge ein aktiv ferie. Eg tek med joggesko og treningstøy som vanleg. Ingen sykkel, men skia er sjølvsagt obligatorisk på påskeferie.



Å planlegge er jo alltid lurt. Kvar skal du vere, kor mange dagar skal du vera der? Og kva aktivitetstilbod finnes? Kva vær er det meldt? Har du ein treningskompis du kan lage avtale med?

Det blir nok mest ski denne påska, men eg må nok springe litt for å vera budd på kommande vekers utfordringar. Det er ikkje lenge igjen til Bergen City (halv) marathon, og så skal eg springe 10 km den 13. april. Då SKAL eg under 50-talet.

Håpar alle nyttar høvet til å vera ute, og særleg ute saman med familien. Få ting slår Kvikklunch med mini i solveggen. Om turen ikkje blir så lang, er ikkje så farleg. Det viktigaste er å vera ute saman.





Trening veke 10

Godt nøgd med veka så langt. Mandag var det 1000m-intervallar. Det vart riktignok berre 7 intervallar i 4:45-fart. (Og den eine vart litt kortare pga. sting.) Men: godt å vera igang med intervallane igjen! 🙂 Eg har skulka intervallar litt no i vinter…

Tysdag – Oh, happy day på BergenFitness

IMG_8606

Sirkeltrening. Statisk trening. Herleg økt! Avslutta med Tabata: 20 sek airsquats 10 sek pause, 20 sek 90grader hold, 10 sek pause. 8 gonger (!) Her snakkar vi syre…Men digg å kjenne at det ikkje var like vond som sist, då eg hylte av smerte før eg kollapsa i forsterstilling.

Onsdag var det skidag:

IMG_8637

IMG_8638

Kjente det litt i låra då eg kasta meg ut i laussnøen… 🙂

Torsdag var planen å springe ein roleg langtur i sone1/2. Men: Det plaska ned. Verkeleg. Alternativ vart vurdert, inne på mølle? Litt kjipt.

Sjekka SatsElixia, og fann ein 75min sykkeltime. Stakkars lår! Men så lange sykkeltimar er gull, så eg måtte berre hive meg med. Og herlighet: Bergen – Voss nærmar seg med stormskritt!

IMG_8660

IMG_8662

I morgon blir det kviledag, så blir det ein roleg langtur på laurdag. Så må eg ta det litt med ro, for mandag er det siste sjanse for meg å perse på Vinterkarusellen! Blir spanande.

IMG_8665

Amsterdam-tskjorta på i dag. Gode minner! 🙂

Den siste tida oppsummert:

Eg innser at eg må oppdatere bloggen oftare. Skal bli flinkare til det!

Kva har eg gjort sidan sist?

IMG_8311-1

Sprunge Vinterkarusellen. Første 10km i år, tiden vart 51:01. Så kom eg jo i Kondis:

<img src="https://

Blir ikkje betre enn det…

IMG_8330-0

Har som vanleg svinga innom verdas beste treningssenter BergenFitness

IMG_8342-0

Vore på toppturkurs på Fjellsportfestivalen

IMG_8397

IMG_8375

IMG_8369

Ete sushi:

IMG_8438

Ellers har eg svømt, vore på spinning og jogga litt. Skal skrive litt meir om treningen min ved eit seinare høve. Stay tuned!

God trening! 🙂